بسم الله الرحمن الرحيم
اخوانى واخواتى فى الله
السلام عليكم ورحمة الله وبركاته
كرسى الاعتراف
احنا مش فى قسم شرطه ولا .....
لا احنا لسه فى المنتدى
دى لعبه جميله بنلعبها على طول
هدفها بسيط جدا بس كبير اوى اوى اوى
وهو اننا نقرب من بعضا اكتر واكتر
ونعرف بعضنا اكتر واكتر
ازاى بتتلعب :
مجرد ان واحد مننا بيقعد على الكرسى وكل واحد يوجهله سؤال
والمطلوب انه يجاوب عليه بصراحه
سؤال عن شخصيته كليته مجال عمله زاى نجح فى حياته ازاى ختار شريكة حياته
ازاى باه كده
وازاى هيكمل كده
وازاى هيكبر اكتر من كده
فالكل بيتعلم
ويشوف الدنيا من نظر الاخرين
ياخد خبراتهم وتجاربهم فى الحياه
ويبدا من حيث ما انتهى الاخرين
ايه رايكم فى اللعبه
اظن ما شوفتهش لعبه مفيده اكتر من كده
مستنى ردودكم وتعليقاتكم
يمكن هتاخر فى الرد
ولكن منتظركم
<!-- / message -->
25 مارس 2008 05:00 pm
بنوته مشرفه منتدى المرأه والطفل
لعبه جميله أوي
بس لازم نصوت علي واحد نحطه ع الكرسي ونبعت له ونقوله علشان يتابع ويرد علي الأسئله
نختار مين بقي؟؟؟؟؟؟؟؟
25 مارس 2008 05:03 pm
Magic Eye انتروبى نشيط
ايه رايك يا بنوته نعمل حزب على مستر انتروبيا ونخليه هو اول واحد يعقد على كرسى الاعتراف مع تحياتى
25 مارس 2008 05:07 pm
بنوته مشرفه منتدى المرأه والطفل
أيوه أنا رأيي كده برده
نرشح مستر انتروبيا
عاوزين كام عضو معاانا كده علشان نكمل الحزب
25 مارس 2008 05:16 pm
Magic Eye انتروبى نشيط
احنا كدا اول حزب فى المنتدى اهم حاجه ان احنا بنات يبقى البنات تكسب هههههههههههههههههههههههههههههههههههههههههه
25 مارس 2008 05:30 pm
بنوته مشرفه منتدى المرأه والطفل
خلاص ياماجيك
شيك هاندس
كده اول حزب نسائي ف المنتدي بيني وبينك
ههههههههههه
احذروا من أقوي حزب ف المنتدي
بنوته وماجيك ايز
25 مارس 2008 05:39 pm
Magic Eye انتروبى نشيط
شيك هاند يا حبى اوعى وشك من بنوته وماجيك ايز
25 مارس 2008 06:00 pm
Mr.Antrobia General Manager
هههههههههههههههههههههه اه يا ولاد الايه ... فعلا انتوا لازم نعملوا مجموعه شله المرعوبين المحدوده هههههههههههه انا موافق .. وربنا يسامحنى على الكدب اللى حكدبه ههههههههههه
موضوع اكثر من رائع بجد والى الامام شله المرعوبين المحدوده ماجيك + بنوته
26 مارس 2008 12:26 am
Doctor Devil عضو قدير .. مشرف منتديات الحب
ماتخفش يا انتروبيا انا معاك وهتلاقيني دايما في ظهرك
لكن ساعه الضرب هجري ولا اكني اعرفك
ههههههههههههههههههههههههههههههههههه
26 مارس 2008 12:38 am
Mr.Antrobia General Manager
عارف ياباشا من غير ماتقول هههههههههههههههه
26 مارس 2008 12:42 am
Doctor Devil عضو قدير .. مشرف منتديات الحب
هههههههههههههههههه بلاش فضاايح في المنتدي وبعدين دي اخرتها
ده انا كنت بخسرلك علشان تكسب انت في الايستيماشن هههههههههههههههههههههه
26 مارس 2008 12:50 am
Mr.Antrobia General Manager
يا سلاااااااااااااااام !!!
طب ما انا كمان كنت بخسرلك ... مش فاكر يوم العمده لما كنت انا بخسر علشان تعدى جريندايزر ههههههههههههههه
دا انا حتى الورقه لسه معايا فى المحفظه هههههههههههههه
26 مارس 2008 01:14 am
بنوته مشرفه منتدى المرأه والطفل
ايه ياجماعه صلو علي النبي
ده مبقاش كرسي اعتراف ده بقي حبل غسيل
طب بينكو وبين بعض مش علي الملأ كده
ربنا يهديكو
ياللا اسالو مستر انتروبيا
وبما انكم عارفين بعض عايزين اسئله سخنه
نحدد مده الاقامه اسبوع ولو حبينا نطول يبقي اسبوع كمان ونختار العضو اللي بعد كده
أول سؤال
اسمك ايه بالكاااااااااااااااااامل؟
اسئلوه بقي ياجماعه عاوزين الموضوع يسخن
ودي لمستر انتروبيا هديه مني ليه
26 مارس 2008 02:48 am
Doctor Devil عضو قدير .. مشرف منتديات الحب
هههههههههههههه اسكت جريندايزر الجهاز بتعه مجننه وقرر يولع فيه ههههههههههههههه
السؤااال الثاااني تنتنتنا
ايه هدفك من المنتدي؟
مظبطك انا وبسألك اسأله مش محرجه احفظ الجماايل دي
عدل من قبل Doctor Devil في 26 مارس 2008 03:02 am, عدل 1 مرة
26 مارس 2008 02:59 am
command_start عضو نشيط
انتو هتسيحو لعض
انتو هتفضحو بعض ابل ما الكرسي يشتغل لا فكرة تمام عشان ماحدش يخبي حاجة
هههههههههههههههههههههههههههههههههههههههههههههههههه
26 مارس 2008 03:00 am
command_start عضو نشيط
انا مش عايز ارزل عليك في اسالتي يا انتروبيا عشان كل واحد بيجيلو يوم يا تري حبيت كام مرة في حياتك
26 مارس 2008 03:05 am
Doctor Devil عضو قدير .. مشرف منتديات الحب
هههههههههههههههههههه ولسه
اصبر عليا يا انتروبيا لما الاسئله تسخن
ده انت هتعيش هههههههههههههههههههههههههه
26 مارس 2008 03:07 am
Mr.X عضو جديد
ايه سياستك في المنتدى 0000000مع جزيل الشكر
وتسلملنا ياكبير
26 مارس 2008 03:40 am
Mr.Antrobia General Manager
ههههههههههههههه طبعا فكره فوق الرائعه .. رغم ان انا اتخت على خوانه بس ماشى كما تدين تدان .. وكل واحد بقى يعمل حسابه انه حيقع ... زى لعبه الشايب كدا هههههههههه
اه صحيح يابنوته انا سورى يعنى مش حقبل الهديه ههههههههههه مالقتيش غير الزمالك هههههههههه
اول سؤال : الاسك بالكامل ج : عصام عبدالرحمن الصياد
---
تانى سؤال : ايه هدفك من المنتدى ؟ ج : انا احب اوضح حاجه بس دا مش هدفى لوحدى ... دا هدفنا كلنا .. انه فى وسط كل اللى بيحصل من حاجات تسىء لسمعه الاسلام والمناظر البايخه اللى بنشفها فى الحياه .. واضربلك مثل كبير عندك الشات مثلا مليان قله قدب والناس ولا هيا هنا .. هدفنا هنا نكون اسره واحده ونرتقى بالعلم والدين ونكبر كلنا مع بعض ونكون مثال لشباب وشبات الاسلام
---
ثالث سؤال : حبيت كام مره ؟ ج : هيا مره واحده وانتهت بالفشل وعلى فكره كانت مدتها 8 سنين
---
رابع سؤال : ايه سياستك فى المنتدى ؟ ج : انا مش فاهم انت تقصد انه اتجاه بالظبط .. ولكن من المنظور العام اهم حاجه طبعا الارتقاء الى ابعد الحدود .. نشر الدين الاسلامى بالطريقه الصحيحه .. وطبعا الشغل شغل
انا حاسه اننا باموضوع دا اربنا كتير من بعض وعرفنا حاجات عن مستر انتروبيا سؤالى بقى يا مستر انتروبيا ؟انت ليه حزين ودا كان باين من كلامك فى حياتى ولكن فى جمله
26 مارس 2008 05:20 pm
Mr.Antrobia General Manager
هههههههههه مضطر اقبل الهديه بنوته .. مش معقول حكسفك مرتين
السؤال : ايه اكتر حاجه بتحبها واكتر حاجه بتكرها فى شخصيتك ؟ ج : اكتر حاجه انا شايف انها كويسه فيا انى متسامح جدا .. وقلبى ابيض .. بجد مش بقول كدا علشان بتكلم عن نفسى اما اكتر حاجه مش بحبها انى عصبى
السؤال : انت ليه حزين ؟ ج : والله هيا الجمله مش بتنطبق بالكامل بس ممكن لان كان عندى حلم كبير وكان قريب منى وبعدين بعد وقلت خلاص بقى وفجأه قرب خالص .. اكاد اكون مسكته وقلت خلاص بقى انا حققته وفجأه اختفى تانى بس المره دى اكيد مش راجع
اشكركوا كتير على المتابعه
27 مارس 2008 03:21 am
command_start عضو نشيط
مشكور انتروبيا علي ردودك
الدور دلواتي علي بنوتة مرة من عندنا ومرة من عند الحزب النسائي
27 مارس 2008 03:46 am
Magic Eye انتروبى نشيط
هاى يا بنوته ازيك وما دام اختاروا يسالو الحزب النسائى انا حبدا واسلم عليك الاول والك انت عامله ايه وانت ايه اكتر حاجه بتحبى تعمليها ؟
27 مارس 2008 07:22 pm
pt.ash Management
موضوع اكتر من رائع ......مع اني شايف ان مستر انتروبيا كان لازم يتحط تحت الاضواء ويتغسل ويتعصر وبعد ما يقر بكل اللي عنده يتنشر بس انتم سيبتوه بالساهل كده ليه مش عارف ليه الاستعجال ده .....بس اكيد اللي هيقع تحت ايدي هعمل فيه كده ...
وبالمناسبه علي ضوء كلام انسه بنوته عن فكره تكوين حزب نسائي فانتظروا في القريب العاجل "يارجال العالم اتحدوا &عيش راجل تموت راجل "لاول مره عالمنتدي ......
جميع الاوقات تستعمل نظام EET (Europe) انتقل الى صفحة 1, 2, 3التالي
صفحة 1 من 3
لاتستطيع وضع مواضيع جديدة في هذا المنتدى لاتستطيع الرد على المواضيع في هذا المنتدى لا تستطيع تعديل مواضيعك في هذا المنتدى لاتستطيع الغاء مواضيعك في هذا المنتدى لاتستطيع التصويت في هذا المنتدى
يا تري حبيت كام مرة في حياتك 
